Aand voor die groot dag
Mood:  energetic
Wel, wel, wie sou ooit kon dink die sal gebeur. Als is gepak en reg vir die trip. Ek begin nou uiteindelik regtig excited te raak.

Ek is nogal moeg, want ek try die teorie uit van as ek myself moeg maak voor die tyd sal ek goed slaap op die vliegtuig. 10 uur more oggend vlieg ons van Durban af JHB to en dan weer 13:00 van JHB af Hong Kong toe.

Julle sal weer van my hoor, ek moet nou eers gaan try om 'n bietjie te slaap.

Maandag
Ja nog 'n maandag is verby en ek is een stappie nader aan die vliegtuig Japan toe. Dit was nogal dol vandag, van die 5 van ons vandag by die werk was net 2 daar, die res is af siek gewees. dan probeer 'n ou ook dink aan wat jy als gedoen moet kry voor jy op die vliegtuig klim.

Ek begin nogal heel opgewonde raak oor die hele trip. Ek vind ook vandag uit dat as ek "International Roaming" op my foon wil aktiveer dan betaal die ou wat bel net vir 'n plaaslike oproep en ek betaal die internationale kostes. Ek besluit toe maar dat dit nie vir my is nie. die werk laat my toe om Lynette elke dag te bel, dis al wat ek eers soek. Want vir al die verkeerde oproepe en onnodoge oproepe wat ek gewoonlik deur die dag kry gaan ek definitief nie die internationale pryse betaal nie. Ek sal eerder kyk of ek daar 'n cheap pay-as-you-go tipe ding kan kry en dan sal ek die nr hiernatoe SMS. Tot dan as iemand my in die hande probeer kry vir iets (van saterdag 15 April af) , moet hulle maar Lynette bel en 'n boodskap los sodat ek dit kan kry as ek haar bel.


Nuwe wyshede en opinies weer more.

'n Nuwe dag. Ek het so bietjie meer gaan uitvind omtrent die "blogging" ding. Ek weet nie of julle Doogie Howser MD kan onthou nie, wel hy het mos aan die einde van elke episode op sy computer in sy joernaal in getik. Een ou het blykbaar dit weer onthou en gedink dit sal cool wees as 'n ou dit kan doen en op die internet stoor.

Wel verder begin ek regmaak om japan toe te gaan. Daar is 9 van ons wat gaan. Ek vertrek van Durban af Saterdag 15 April en kom terug 27 April. Ek sien nogal uit daarna. Die langste tyd wag tussen vlugte is oppad terug wanneer ons 11 ure in Hong Kong moet wag vir die volgende vlug Johannesburg toe.

Om af te sluit hier is 'n Chuck prentjie vir julle.

Kyk hoe lyk ek nou
Mood:  chillin'
So hier is ek nou ook. Ek het so gelees van hierdie blogging ding en besluit on dit 'n try te gee. Vir die wat nie weet nie, 'n blog is soos 'n "online" joernaal. So ek kan dit update wanneer ever ek wil. Ek wil kyk as ek oorsee is of ek dit van daaraf ook kan doen.